Dogang Kama:né Longédo

 

DOGANG KAMA:NÉ LONGÉDO

                                              Tuniram Médok

Ngo émpéi mé:tagai

Dogang kama:né longédo,

Yuba:la:ma:pé lígémpé- 

Donamko kosa:ruyekupé

Kénong bírémné ayirdo.

Émpilai yumumko ika:bo

Atí dolígnamko kama:pé

Akiyém bukitsula dung,

Ru:sibila mébinam dotungém

Méyobo: nom bingapto

Silo pimpirkosin kama:.

Pilik piangko kama: 

Dogang kama:né longéso,

Abínla pontané do:mírtém

Taupé mé:do mé:tínsula lékoném

Mé:dír mamné asindo.

Bulu kinma kama:dém

Ka:tínsudung anéké nappa:lo:pé,

Aki: sakkebné ngasoddo

Ben-yagdung kinsuma:péi asiné.

Asig alongo:pé iné omma:lok

Kénong no:sigla kabutsudokulo,

O:lko méngaksula du:dag

Ngasodém yonlusuné asindo.

Doksiri দকচিৰি, অক্টোবৰ, ২০২৬