Édílai Mitompé Ilí:dag - Doksiri

শেহতীয়া লেখা

Post Top Ad

Responsive Ads Here

Saturday, October 31, 2026

Édílai Mitompé Ilí:dag

 


Édílai Mitompé Ilí:dag


                           Ma:nying panggíng 


Édílai mitompé ilí:dag

Nom lula:ma:la singaglíksul du:né agomkídí:dém

Urrob urrobge:la mitom gompirki mé:tompé adlí:dag

Pa:ta:lok o:yednam ong-ngompé 

Duksi:sula du:né gomug gompirki

Nok kinmang kinmango:pé ma:nam ma:nyingém ka:líg ka:lígla

Nok dumsung amigémpin amigdog

Béryug béryugla bérnamém mé:pa: mé:pa:la


Édílai mitompé ilí:dag

Nok pínna du:né asindok ayang a:ném

Ayang pu:mu pu:lubdopé mitom alíngki

Mé:tomko tomlí:dag

Asin mo:pí mo:lungém ayang pu:mu pu:lubla

Nok asin mo:léglo 

Ngírra du:né simyo situmé dungko kama:dopé

Ayang yakkídné manggom ayang dokídné

Tapum tariyé sipu:pulu:la sidopé


Édílai mitompé ilí:dag

Asin légolo son-yi sonsa:la du:né

Mé:dír ngasotkídí:dém mé:tom alangki

Yonnu yonnusuge:la kísarsunapé

Mitom alí:lok mé:tom torí:ki

Amme kinmang kinmango:pé

Mé:bum mé:bumsul mé:nam

Angkéng ara:lok asiné ngasarsula ngapodokupé.


Doksiri দকচিৰি, নৱেম্বৰ, ২০২৬

No comments:

Post a Comment

Post Bottom Ad

Responsive Ads Here

Pages