NO NGOK ASINSOG MÉ:TOMÉ
Digen Taid
Popokandopé mé:tomko atpésin
Ngo mé:tomém atkinmang
Ngo mitomtomang,
Émdaggom adlí:dag nok légangé
Ngok asin mé:namko.
Tatpopé ni:tomko mobipé
Ngo ni:tomkosin mokinmang
Ngo mo:punmang,
Émdogom ni:tomko molí:dag
Nokké kéra:do nouong taddopé.
Mitomké punnéglo mé:tomko tomníngé
Kapé ngo tomla:ya:n!
Tompodopé adlíkpésin
Agom gompiré yokpagdag
Adnané alag lekeyé jindag.
Mo:punké.so:yardo kabanko banníngé
Tadngaksul dung-kano:dopé
Édílo ngo banbíyo:la:ya:né !
Jé:yarko jé:sa:la ni:tomko moyégom
To:rí to:gém mitpandag
Asin onamdé oddung du:pagdag,
Kapéi idaggom nokké légangé
Kampon gimurpé yinggo:l du:dopé
Ngo mé:tomém adyérung
Ngo ni:tomém moyérumg.
No ngom tayyopén kapila émna
Tadlí: du:míl lubipé.........
No ngokké appíngé
No ngok asinsog mé:tomé
Doksiri দকচিৰি, নৱেম্বৰ, ২০২৬


No comments:
Post a Comment