LUGÉNG
Madan Pegu
Mé:su méngkampé
Ammoko gédu:dag
Go:tung gosa:né aki:do
Dumdumko mandung
Dítag dîtako tayang tomurdém
Tonyoksudodo todí píangé pídung
Lo:tung aya:dé dírpansudodo
Ayang sikuré Kurdug
Mé:pin méngokdé along metsuré
Asinlo tanggomé nígdung
Sulli okumko moman kodo:sin
Bottaru:né ma:nyingé kadag
So:pon so:labé
Turlam ma:nyingé
Írga:la anpo:dag
Pabarké belabdo tumursuge:la
yuttarnédé:pak kindang
Urongké a:ngém asubmé démto
Ka:la mensarung yírto
Lé:sudung tukkudém
Lendung tapo:dé
Néné dígné yírka:ladung.
Pakkí mé:sula lutidla ludung
Luké:dog pabídé yogdung
Luyadém ludung
Lugéngém ludung
Arobí tomi:la dung
Siloké írga:dé
Yampopé du:ma:yé
Sé:kosin du:yarru:ma:yé.
Doksiri দকচিৰি, নৱেম্বৰ, ২০২৬


No comments:
Post a Comment