Nom Kangkindakkéi

 Nom Kangkindagdokkéi

                                                            ✍️Anuj Yein

                                           Disangmukh, Sivsagar

Nom Kang-kin sumanggom aiyai,

Ajonpé Jonna mobaildo nom

Sogon arra:so nom

Nok gomug, moimangé o:rí:pé

ngo jonggo:la dung,,,,,,

Nom Kang Kin sumanggom aiyai,Lokdaon lu:géla agerésin kama:la nokké ya:lo:déi dénga:dag,

Yummi-domi kamang

Konong-tí:líng kamang,

Jírkín-jímín, írang tani:yé, néríng tu:ing kamang lo:bag lo:sígé. . . .

Nom Kang-kin dag-dokkéi

Bérné nénam kinsukang,

Amik tekodpé ka:dungai a:íké ajon-amem,

Gernam dém

Ka:yoddung,

Lunamdém tayoddung,

Nom Kang-kin dag-dokkéi,

Lusa:dunng-lumem-dung, jo:sa:dung- joidung

Kapikan aiya:sém

Doga-palal anka:lai

Kadune ........???

Nom Kang-kin dag-dokkéi,

Ngok asin sé nommé mé:pa:dag,

Nommé ka:pa:dag

Ngok amidso nok dumsígdé,,,,,,,

Nok binam ayang kuserré:dé

Oko ayang kuserré: yan ???

Nom Kang-kin sumanggom aiyai,

Nom Kang Kin dag-dokkéi

 kabegman asinsém ríntum Sula:mang. . . .

Aipé mé:namsém opan-mirém kinmalai silo: sin nom mobail uatsoplo mago:dag,

Kapidang nok aiya:dé atékpé angudannéi

Ngom simd modan,

Kapidang nok dumsígdé Ngom ma:nyi:bo:sin mago:la madungai nommo.