AGOMSÉM YOGMOGE:L KAPÉ TURYEN MISINGA

 AGOMSÉM YOGMOGE:L KAPÉ TURYEN MISINGA 

         Nirmol Noro 

Putabil, Lakhimpur

Kapiné réngamlokké írgíbné Agom Dírbíé kamaji édé réngamdé

Turra du:daggom sinamémpé idag. Édé appíngképé kinnam agomé. No miténé migom agerko gerdaggom akoné migom Ru:tumkopé idaggom akon akoné botténé tarnamko mola mirém rémdaggom ao- ommangém English Medium, Jatiyo Bidyaloy School lo porige:l merit bassic lok migom agerko pa:mo namdém lukapé gímang. Édém sé:ko:sin sé:kom lutum mínsula:mang. Ngok méngkídé sémpé - no ngokké obomsunam Mising agomsok léga:pé okolai dungge:la okai agerko gerra du:daggom Mising agomsok léga:pé asin opénamé. Nom odagdo otagai Misingpé, sidogom siyeku Misingpé. Nok i:yidé Misingé. Nok asindé:sin Misingé.

  

     Ngolu ami opín taniém ma:lampé rure kosuyeku. Kapéné sé anu adísok anu Bigyan longéso Mising ané agomsém turmopénaménei simopénamén? শিক্ষিত সভ্য সমাজত যদি জানি শুনি নিজৰ মাতৃভাষাক মৃত্যুৰ মুখলৈ ঠেলি দিছোঁ। তেতিয়া হ'লে তাৰ সমান অৱহেলিত এই পৃথিৱীত কি থাকিব পাৰে । চিৰন্তন সত্য কথা- আইৰ সমান হ'ব কোন নদীৰ সমান ব'ব কোন।

Sok kídíkopé asinang olíg oa:la Mising agomsém mirém rémmonam adíso aíé aíé agomsém simokapé gínamsé supakké kinné pa:né réngam ara:so tatpo mé:ponané longémang. Édém kapésinéi tora ka:rasula du:nanam ayirmang. Ko:bang tu:yi:to:pé pí:sangge:l airu:pé kéígpé kapé oiletyekun édé bottépakpé mé:mipénam lang ménggabpénam agomko.

     Indian constitution-lo dungkampé- ngoluk Tribel beltent block amongé kadungai. 1)Mising ST reservesion amongé kadungau. 2) ST reservvation migom ager pa:namé kadungai. 3) Medium of instruction pangge:la Mising pokainém pa:pé lagidag émnam agomém Indian constitutionlo kangkano:pé adla mébitag. Édé pa:pénam kídí:dém silo se:ko motumdun. Ngoluk pa:pénamém ngolu kapilai méletyen. National Education Policy ( NEP) dok atbikampé central goverment é NEP dok rungkampé State Assam goverment so:pé édé policy dok dungkampé ST asomsok du:né jonojatiyo takamém Medium of instruction lupang bige:la Mising agom pokainém biladagbo. Odok kíddíko aín lamtém pa:dagso se:ko édém motumdun. Bhupen Hazorika lukampé- ajir akomiyai nijok nisinile akom rokatole jabo. Édé lukamí:démpé

Silok Misingé aí aídém kangkinla kinsuma:mílo Misingé:sin rokatol gíye. 

চিৰ চেনেহী মোৰ ভাষা জননী। édé appíng képé kabodag. Nok agomdémyang ayyangarné okodéi du:bon সাহিত্য ৰথী লক্ষ্মীনাথ বেজবৰুৱাই কবৰ দৰে- স্বদেশ আৰু স্বজাতিৰ মংগল মন্দিৰৰ সিংহ দুৱাৰ হৈছে মাতৃভাষা।

      No okoki aidung émsuyen Misinga. No okoki turra dun émsuyen Misinga ? No okodém aidopé gerbidun émsuyen Misinga ? Nok alaglo supak okko dun ? Nok alaglo pa:lanam molanam rarnamé dung. Nok édé pa:la molanam Rarnam dokki Mising agomsém pa:bo moboma:mílo me:lamlok Sí:sa:né ommang takamé kapésin édém méletma:pé sogabyeku. Odo no ngolu oko émna lusubiyekun. Nok agomdém se:ko kopakton. Nok agomdém se:ko simola yokmoton sé Mo:písokké. Odok luladdém se:ko lubiyekun. Se:kom lugé: yekun Misinga. Kabodopé laginam pí:namko Mising potiném Agom migang bulu adlen bitagai. Édé potinkídídé sorotiya:péipakyeku. Nok misingé aso aso:pé mipagpé ipagye odo no kapé turyen Misinga. Anu sceince and technology longéso Mising asin géné Mising agom mé:boné kinné pa:né gasumkopé tanié lendungakuboi. Mising potiném addung. Mising Agomsém turbopé mé:la 

E- Magaziné la:lenbomdung. "Doksiri E- Magazine. Jili E - Magazine émna gasumkopé E- Magazine lenbomtíla du:dag ayirso 

Kapé no ngolu Mising agomsém simopé méngkan. Mising agomsém simoge:l no kapé du:yen no kapé turyen sé Mo:píso.