MIGANG JADOV PA:YENGKÉ ATÉROUNGÉ MOLÉNNAM SÍ:LUNG

 MIGANG JADOV PA:YENGKÉ ATÉROUNGÉ MOLÉNNAM SÍ:LUNG

               Nirmol Perme:

Ísíngém tékyok,

Ngom tékteí.

Agomsé-Migang Jadov Payengké

Ménggésunam Bharot Mo:rumsok Sí:lung Tani: Migang Jadov Payengmé otungai 1963 dítagdo Jorhat Mo:dum Bhramaputra a:né kérado Borgook émko do:ludo.Bík ba:budok aminém Lokhiram Pa:yeng odokké owédok aminém Apuli Pa:yeng émtung.Migang Pa:yengké akkéng ayírko idagdo Bhramaputra a:nédokké bu:luk do:lung ara:lo pu:mi asidé bida:la du:ngko amongém ko:pakla mo:téng amolopé gí:yodpénampé ikang.Migang Pa:yengbí Jorhat J.B.Arya Vidyapeeth Potin Pogo okumlo apé íyíngdopé potiném poka, émpigélam murkong ngasodki potin ponamém lé:pakpénampé ikang.Kínbegné Ru:tum Jagannath Bejbaruah bí Migang Pa:yeng mé anu bélamém léngkanbidungai.Migang Pa:yengbí Kínbegnédok do:yingém airu:pé ménggap- gígapdungai.Longékolo Migang Pa:yengbí aimané adíko gíbeksuto.Pu:mí asilo pu:sa:mínna gíné adjoné ,botténé tu:rné kídídé sulli amolo kérkuri:-mérkuri:paknamdém.Édém ka:begsula Migang Pa:yengbí airu:pé mé:dírkang.Appíng do:ying kídídém mé:ngkum-mé:palangkula ísíném le:robbomsangka.Édé 1979 dítagdok do:yingé.Aso asopé ísíngém le:robsangél ka:si-mo:síngka.Migang Pa:yengké do:yingém se:kai okkoi émna ludaggom édémbulum yérungém bima:pé gerpénam agerém gerbomtíla gíka.Aso-asopé le:nam ísíng kídídé bottébomna gídung ,tu:rné kídídésin donam,tínam,du:ra-dagra:sukoém mala sílung aradopé gía:dung.Longékolo bu:luk do:lung aralopé síttakídídé ísíngkídísém le:lígla gía:dung émna ísíng le:lígm appídém tékpakkupé émna ge:rrobsangka.Bí tani:kídídém ro:tumgéla luto sémpé "ÍSÍNGÉM TÉKYOK,NGOM TÉKTEÍ".Lédído sémpé lu:írka,ísíngkídísé ngoluke'ajoné,ísíngé ngolum naréné ésarém bidag,a:yé -apíém bidag,ímí pa:rdopé sanné ísíngém bidag,oyíng-oge:ém bidag.Ísíngkídísé kama:mílo ngolu adjoko:sin tu:rrad du:mayé.Bíkké sílungdém "MULAI"émnasin ludag.Bí ísíngém le:la péyi péttang déngana:mem ka:begmodung,adjonélokkébo botténélopé tu:rném ka:begmodung.Migang Pa:yengbí tu:rnélok ngasodém mé:dum-gídumsudungai.Tu:rné kídídok ngasodém odokké gené Mo:písém kangkanpé mosíngkunam légapé sullipé ila du:né amongém ísíngém le:gela bottéru:pakné "SÍ:LUNG OKUMPÉ," Migang Pa:yengké édé gerkurra gernam agerdé unné takarémyam unya:dag,guné ésaréyam ansi:Yadav.Mo:písok takam tani:é bím ménggésudag,bím lambé pédulo rígsuye:mílo kumdag.Bíkké ager gertíngém si:ro takamé ka:yir tadyirsudung,bíkké a:ín le:kor korkolo takamé kormíndung.Migang nom ngolu appi'ngé kumdung se: kémoné jing-jingla duné Mo:písém motírbokunam légapé,naréngoné ésarko domonam légapé.

Migang Pa:yengké aré pa:nam kídídé-

AKO(1).2012 dítagdo,"MO:PÍ LONGÉ",do JAWARLAL NEHRU UNIVERSITY-lokké ru:tum tani:kídídé Bharotsok sílung tani: émna aré kané amíndém mínníkka.

ANYÍ(2).2012 dítagdo Canadalokké,"DÉNGGONÉ DUMSI:K ,"jiglengela iboné William Douglas McMasterbí Migang PA:yengké ager gernasém ka:lígsula ,"FOREST MAN,"émnam dénggoné moi:mangko jiglenge:lam iboka.Se:m ka:la airu:pé mépokang.

A:UM(3).2013 dítagdo Kan Dumsi:k igurboné opélok bottéru:pakné dírbí yumékolo,"FOREST MAN,"Dumsi:k mo:imadé appíngémyam boje:rungko arém pa:to.

APPI:(4). 2012 dítagdo bí SANCTUARY ASIA WILD LIFE AWARD amindém bika.

ANGNGO(5).2014 dítagdo ,"THE HIND,"nérínglokké nérkíg agomém tomsarboné Migang Pa:yengké sílung molennam do:yingém tayonga:rtolo adtungai.

AKKÉNG(6).2012 dítagdo bím ,"PADMASHREE,"arédém bika.

KÍNÍD(7).2015 dítag,yilap bísing longédo bím Guwahati University lokké kínbegné,ru:tum(Dr.) aré kané amindém bika.

PI:NYI(8).2016 dítagdo Potin Pogo adné Vinayak Verma ké Jadov Payeng and Tree Place potindo Migang Pa:yengké do:yingém jiglentung.

KONANG(9).2020 dítagdo 128 nané ,"COMMONWEALTH POINTS OF LIGHT AWARD," ém Migang Pa:yengmé bika.

Ménggésunam Bharot Mo:dísok Sílung Tani:,ngoluk Mising re'ngamsok ru:tum Migang Jadov Pa:yengké sílung lédído dagla du:nam dumsík míkmo.Ngoluk Mising Potin Pogolo bíkké do:yingém sísang ko:é-ko:néng opém boje:rungko kinmopayé,Mo:písém géji:gmopaye.