Akuné Tu:lung

 Akuné Tu:lung

Tuniram Medak

Nok lukamí:démpé ngo

Tu:lu:dém tísa:la mutto,

Bík to:gdo yumínla gídung

Turnamsok pa:nam - Pa:mang attung attungko.

Po:lomé asin oné yumédo

Moimangém tíko okum lottalo,

Ngolu kípé madung -

Gíbídné longé Kídí:do agomém mége:la,

A:péné longélok do:yingém.

Mukkang okum mokolo

Donggum ésaré sartíddung

Mé:po ponam asiném,

Mé:dír mé:tom Kídí:de- 

Yinggo:dung do:mugné do:mírto.

Mudmam tu:lungdém-

Tadlíng rébagné ayirém,

Níkke bomdung radné gomukki.

Simad madla so:modung

Asin méngki mé:ramém,

Ngokké akuné tu:lu:dém

Lékoda tísa:la muttoku,

Bíkké to:gdo Yumínla gíné mé:dírdé

Ngokké moimang okum lottalo-

Mé:po Píangé pídokupé.