Ngok Do:lung
Kesob Pait
Gogamukh
Líga:so gíyegom gílang
Gílangar émnasin luge:mang
Ngok do:lungém kangkinéiyépé
Aríglokké gíkuné tani:ko ríksumíloi,
Ngok du:téngém taulang
Yumdéng ayirdo, a:né ragodo
géma: bomma:pé sumjí:la írsuné
Ko-kídíngém tatkílang, lubiyépé
Aríglokké gíye kupé "Naséngbulu"
Tukkudo tébégné gasumko jo:la.
bulu lubimanggomsin!
Mé:dír ésar sarpíma:nam mímbíre'
Léddarpé gíyékupé "yirra-urradla"
bulum taulang, lubiyépé
Ngok du:téng do:lungém.
Tapu; mudla gíyékupé
So:bo menjég ka:dabné kídíngé, tatkílang!!
Along durrenné Yegné Eyegdé dugríksuyepé, gíkololo gímínnang
Gítupsuko okumdo,
Ojíng kouwé kabyépé
Mé:la:do éddarmanggomsin., ru:yidé émnasin.
Beyyagné bare:dok bérsunna ka:begyépé Ta: To:límé,
Ongodém amkamna, tí:nam toka:la
ru:yi:dok du:né"Ya:yo Nangkoli"
Nom ka:beg milo ya:yo Nangkoli
Kungkeyém pubiyé, Ta:toké kéra:do,
Ésang-édung do:yingko luposudopé.
--------------------×××----------------------------
Sé mé:tomsém ménggésunam "Kalinad Pangíng ké aminno tolíktung.
No comments:
Post a Comment