Aso:Aso:pé Nom
Anuj Yein
Disangmukh, Sivsagar
Nok léga:pé do:jíg aborko
Nok léga:pé mé:tom ako
Émpige:la Asinsok abarungko mé:namdém adla:mang,
Anpodop mé:namsém
Lula:yélang ngo,
Édé nok mímbír ayirdokkéi
Asinsé ménggabla métung,,Nok séu:dém lo:dém
Amik pinnyi:so ka:pa:dung,
Ang arra:bok agomém do:jígdéi
Lubi:yépé
Ngok geji-gero:lok
Appíngém Kangkin subo:yé:pé
Ngoluson pa:nam-
Pa:mang, binam-
la:nam,Nolusin
Ka:yirsul-gertí:dung
Silo-yampo lo:dípé,
Aso:aso:pé gerra la:ma:nam tarungém gerdung
No-ngo kéíkki anka:munsula,
Íddí:Ko írga:mílo torné ílínggém-pin asindém rémag mola:yén
Íddí:Ko lígang po:lo a:yémíl
Jeged mola:yén aipé mé:nam sém,
Rumiyo-Juliyet,Dante-Bbiyetris, Dokké
Jongki-panoi ngémpé,
Nom Kang-kin dag-dokkéi dula:mang,do:la:mang, yuba:la:mang
Okkom sin lusula:mang,
Nok dumsíg-dé
Ngokké amid tu:bí:so dénggo-dag,
Nok léga:pé do:jíg aborko, Alap lapla dé:Yi dé:sal dung,
Nok léga:pé mé:tom ako, Lamku-kéra:pé
Ni:tom tu:lipé dung,
No boríg sulanka ajona,
No toríg sulangka ajona
No ngok do:jíg-mé:tom dém
Ayangki payang bilangka
Aso:aso:pé nok
Kéra:do:pé munga:dung
Ngo kinsumang.
No comments:
Post a Comment