GENÉ MO:PÍSO
Raj Tilok Medak
Akajan, Silapothar
Mopitsunané do:déngém bígyo
Geryo silo gené mo:písém lí:latmonané agerém
Ísíng ílíngém yarosugela mé:pola silo yírgela
Yampo kapiyékun?
Payékulang nok ao: ommangé
Gejig gero:né mo:písém?
Sa: réngama kinsutobo
Amiké lédulo lékorém kormapé gígéla gíto
Lédu mokutsula du:yobo
Ao: ommangém pobug ukumlopé mélíkto
Yampo ngasodé ayéku
Pa:langkumayé sé ayirsém
Pangkumayé ka:po kanganné
Sé gené mo:písém
No comments:
Post a Comment