Yongmo appun
Jiten Noro
... “Bonfire of awe in which my
thirst was burning
Sweet blue hyacinth twisted
Over my soul”.-- Pablu Neruda
Amdang aríg turgabboné mirílok
Miksi abu:do rígleglo meteka:lok yongmo appuné punyémílo
Ngokké asiném betkemola lérékpé geyomné mé:dírko gípaddag.
Ngo kangkítag-
Mirígé mongopé inamém.
So:bo dornyidé ollu:pé, nangol-jungoliyé ésappé inamém.
Géryidma:né mirígé le:né mirépé inamém.
Ngo kangkítag-
Minom dokolo gíné pétta: kísapé
Okum mépagla sí:sa ya:méyé
Mimong amo:lo ager mala gínamém.
Ngo kangkítag-
Kénongki assé lumnam amongém
Mité-miromém asi arélok kolígnamém.
Ao-ommangém ami éra:lo
Pagbo-pagnépé tílígnammém.
Neruda!
No:sin ka:pa:ya:mílo
Édé asin régbomné adídém
"Ti:né yayingné metekang appun kísapé..."
Émna no luyumna luyi:suma:yai.
Sido mirílok miksé jumola:mang
Ru:mi:lok kangkanné urmalém.
Ilekson ayírdo ainang ansí:dopé luyumné
Bulumyang mo:píso aya:ya:nédan kamangarbong.
Ngoggíngkémpé a:pug ara:bo
Leped-pedné mé:dír amli:ko lígbomna du:né
Sé:kai mé:jub-mé:labné tani:ko
Édé miríg léga:pé okoko ibodun
Émna édílai ngom taumílo
Ngo okokosin ibola:ma:nam aglíng
Émélo uksula du:do.
Mo:písém uturné aríg alígém tobiné
Miríg léga:pé mitom ajon kídínga
Aropéi ngolu okokosin ibola:man ??
No comments:
Post a Comment