এতিয়া আৰু ...
মিনু হাজৰিকা
গুৱাহাটী
ব্যস্ততাৰ অজুহাততে অভিযোগ বোৰ কৰিবলৈ
বাদ দিলো ৷
সময়ৰ কূটিলতাৰ আহ্বানত
এই মায়াৰ চহৰত এতিয়া
তুমি আৰু মই ৷
ব্যস্ততাৰ অজুহাততে ...
হাতে হাত ধৰি
ওলাই নহা হলোঁ ৷
দিঘলী পুখুৰী পাৰ কিংবা
উমানন্দৰ তটত ৷
য’ত শিলে আৰু ঢৌৱে মিলি
অবিৰত ভাবে কৰে
চুম্বনেৰে শত ব্যস্ত প্ৰেমিকৰ
অজুহাত নাশ ৷
ব্যস্ততাৰ বাবেই চাগে
অৱস্থান আজি দুয়োৰে
দুই মেৰুত প্ৰবাস ৷
No comments:
Post a Comment