কিয়দাংশ

                  মিনু হাজৰিকা

আজি তুমি কৈ যোৱা 

মই শুনি যাম তোমাৰ ...

পাৰ ভঙা বেদনাৰ গাথাঁ ৷

বিনিময়ত মইও কিন্ত কম

মোৰ জীৱনৰ সংগ্ৰাম ভৰা 

কাহিনীৰ কিয়দাংশ ৷

ক’ত আজুৰিলো কলিজাৰ তেজ

ক’ত হেৰালো সুন্দৰ শৰীৰৰ অংশ ৷

কিছু পোৱাৰ আশাত ,

কিমান হেৰুৱালোঁ হাবিয়াসৰ 

পৰ্বতসম মোৰ জীৱনাৱেশ ৷

সপোনৰ তাগিদাত হেৰুৱাই আপোনক  

চকুৰে নিগৰালো কত 

লুণীয়া হুতাশ ৷

মোক আজি কবলৈ দিয়া ,

তুমি মাথো শ্ৰোতা হৈ থাকিবা ৷

শুনি মোৰ সংগ্ৰাম ভৰা জীৱন কাহিনীৰ 

কিয়দাংশ ৷