কবি,বুদ্ধ আৰু এমুঠি সৰিয়হ

কবি,বুদ্ধ আৰু এমুঠি সৰিয়হ

গায়ত্ৰী দেৱী বৰঠাকুৰ

তেজপুৰ

( এক)

কবিৰ  পঁজাত 

দুখৰ প্ৰচ্ছায়া

কোনে

গিলি  থ'লে 

প্ৰগলভ জোনাক

ৰাহু,কেতু নে কাল 

নিয়তি নে পৰিহাস

কবি নে নীলকন্ঠ 

নীলকন্ঠ নে কবি

একেই ছবি

একেই হলাহল

সংসাৰ- মন্থন

সমুদ্ৰ- মন্থন 

নে

আত্ম- মন্থন 

ধৰ্মং শৰণং গচ্ছামি

সংঘং শৰণং গচ্ছামি 

বুদ্ধং শৰণং গচ্ছামি  

(দুই)

বুদ্ধৰ বৰ ভাগৰ 

কিমানক যাচিব

নিৰ্বাণৰ ঠিকনা

জন্ম- মৃত্যু আৰু জৰা

কিয়  ?

কেতিয়া ?

কেনেকৈ   ?

 

মায়া 

মৰীচিকা 

নে জীৱন

(তিনি)

সৰিয়হ এমুঠিৰ 

বিচাৰি 

কবি ওলালে গৈ 

বুদ্ধৰ চহৰ 

কবিক  আচৰিত কৰি 

আগুৱাই আহিল 

ভিক্ষুক বুদ্ধ

স্মৃতিবিভ্ৰম 

বিস্মৃতি নে

বুদ্ধ 

স্থাৱৰ 

স্থবিৰ

নে 

ভাস্কৰ্য 

সময় 

শিল্প 

নে 

অট্টহাস্য  !!

(কবিৰ  দুচকুত   জাতকমালাৰ প্ৰথমটি  পৃষ্ঠা.....)