ভাৱনাবোৰৰ সৈতে
লাৱণ্য নাথ
বঙাইগাঁও
এটা কবিতাৰ প্ৰসৱৰ বেদনাই
বুকুখন জুৰি আছে
তোমাক পোৱাৰ আকুলতাত...
অস্থিৰ হৈ পৰিছে মনৰ সমুদ্ৰ।
নদী হ'ব খুজিছোঁ-
মৰমেৰে বোৱাই নিবলৈ;
সাগৰ হব খুজিছোঁ
বুকুত সামৰি ল'বলৈ...
এজনী চৰাই হ'ব বিচাৰোঁ-
ডেউকাৰে ঢাকি ধুমুহা,বতাহ ,বৰষুণ,
অনাহুত বিপদৰ পৰা ৰক্ষা কৰিব পৰা
এজনী সাহসী মাতৃ।
অথচ ভয় লাগে সময়ৰ পৰিধিত
যদি মই সফল হ'ব নোৱাৰোঁ,
মনে ভৱাৰ দৰে যদি হ'ব নোৱাৰোঁ
এজনী মাতৃ ...
যদি হ'ব নোৱাৰোঁ-
তোমাৰ দুখবোৰ মচিব পৰাকৈ
মনৰ আকুলতা বুজিব পৰাকৈ
এজনী
সহজাত মাতৃ।
ফোনঃ 9954862901
No comments:
Post a Comment