মোৰ স্বপ্ননীল আকাশৰ তুমিয়েই জোনাক
প্ৰৱীণ ৰাজবংশী
জাজৰি, মৰিগাঁও
পূৰ্ণিমা ৰাতি আছিল
আছিল জোনাকৰ
সতেজ পোহৰৰ মাদকতা
মোৰ স্বপ্ননীল আকাশৰ তুমিয়েই জোনাক।
জুন গলা জাৰৰ নিশা
অযুত তৰাৰ নানা ৰঙৰ খেলা
আছে ডাৱৰৰ আঁৰত জুনৰ
মিচিকিয়া হাঁহিৰ আভাস
মোৰ স্বপ্ননীল আকাশৰ তুমিয়েই জোনাক।
মায়াবিনী ৰাতিৰ কুলাত
ৰহনসনা জোনাক নিশা
কৰেহি আমনি মোৰ কবিতাত
ভাল পোৱাৰ পৰা ভাল লগালৈ
মোৰ স্বপ্ননীল আকাৰ তুমিয়েই জোনাক।
পূৰ্ণিমা ৰাতিৰ তুমিয়েই জোনাক
জীৱন-তৃষ্ণাৰ মোৰ অনুভৱৰ
সঁচা মানৱতাৰ কবিতাৰ সুবাস
মোৰ স্বপ্ননীল আকাশৰ তুমিয়েই জোনাক।।
Doksiri দকচিৰি, জানুৱাৰী, ২০২৫
No comments:
Post a Comment