যাদুৰ নগৰী মায়ং
সৰিফুল আলম
মৰিগাঁও
যুগে যুগে নাম ৰচি
যুগক সাক্ষী কৰি
জিলিকি আছা আজিও
বিশ্ব দৰবাৰত
তুমি যাদুৰ নগৰী।
তাহানিৰে পৰাই,
যাদু মন্ত্ৰৰ কিংবদন্তী
ভাৰতৰ, কৃষ্ণচূড়া ৰাজ্যৰ
গৌৰৱ তুমি।
বুৰঞ্জীৰ পম খেদি,
তোমাৰ ৰহস্যময়ী,
গোপন গাথা বিচাৰি
আজিও হতভম্ব ক’ত জন
মুগ্ধ শতজন।
পৰিৱৰ্তন আৰু আধুনিকতাৰ লহৰে
যদিও কপাইছে বিশ্ব ব্ৰহ্মাণ্ড
তথাপিও অক্ষুণ্ণ হৈ আছে
যাদুৰ দেশৰ গোপন গাথা
ইতিহাসৰ পাতে পাতে।
Doksiri দকচিৰি, জানুৱাৰী, ২০২৫
No comments:
Post a Comment