এন্ধাৰৰ কোঠা
প্ৰজ্বলিতা হাজৰিকা
নীৰৱ নিস্তব্ধতাৰে আৱৰা কোঠালি এটাত আবদ্ধ কৰিলোঁ নিজকে
নাচাওঁ আৰু পৃথিৱীৰ সৌন্দৰ্য
নাচাওঁ আৰু নিৰ্যাতিত পৃথিৱী
নুশুনো আৰু মাজনিশাৰ চিঞৰবোৰ
কিন্ত,
হৃদয়খনক কেনেকৈ বুজাওঁ?
হৃদয়খনে আমনি কৰে
সেই চিঞৰবোৰ শুনি
সেই কান্দোনবোৰ শুনি
কিন্ত, মই সেইবোৰ
আওকাণ কৰিব নোৱাৰিলোঁ
চিঞৰবোৰত দুগালেৰে মাথোঁ বৈ আহিছিল তপত চকুলো
এন্ধাৰ ভৰা কোঠালিটোৱে আঁচুৰি মাতিছিল মোক
আনফালে
অতীতবোৰে হাত বাউলিছিল
এয়াই নেকি?
এগৰাকী নাৰীৰ জীৱন গাঁথা
অৱশেষত গৈ এন্ধাৰৰ কোঠাত বন্দী কৰিবলগীয়া হয় নিজকে!
আচৰিত জীৱন!!!
Doksiri দকচিৰি, জানুৱাৰী, ২০২৫
No comments:
Post a Comment