মৰি মৰিও পৃথিৱীয়ে হাঁহে
ৰুক্মিণী হালৈ
মাৰ্ঘেৰিটা
ধৰ্ম যুদ্ধ, কৰ্ম যুদ্ধ, মহা যুদ্ধ
নে ভাতৃঘাতী ৰক্তেৰে ৰঞ্জিত
এক ৰক্ত যুদ্ধ মাথোন।
ৰাজনীতি, কুটনীতি
যুদ্ধ বিগ্ৰহ,
যিয়ে শেষ কৰি দিয়ে
একোখন দেশ, একোটা প্ৰজন্ম,
কিন্তু
হয় জানো শেষ
মানুহৰ আশা
হয় জানো শেষ
মানুহৰ মানৱতা ?
আকৌ গজালি মেলে
মানুহৰ পথাৰত
মানুহ কঠিয়া হৈ
বাঢ়ি আহে লহপহকৈ,
নতুন প্ৰজন্মৰ
নতুন আশাৰে
নতুন পৃথিৱীয়ে আকৌ হাঁহে।
Doksiri দকচিৰি, জানুৱাৰী, ২০২৫
No comments:
Post a Comment