NGOKKÉ MÉ:LO:DÉ

 

NGOKKÉ MÉ:LO:DÉ

                             Ranju Kumar Darig

                               Amguri, Sivasagar

                            

Ngo mé:dung

Ngokké gomugsém tatpo:dopé

Tadmanla du:dopé

Appíngém tadmopé;

Ngok dírbísém punsa:né appunpé

Í:r pongkírpé

Punmanla du:mopé;

Ngok amo:so gejíg geroné

Ísíng sí:lu:pé

Gene aríkpé 

Jarmola du:mopai;

Ngok mimaksém takam mo:píso

Appíngké kindopé

Mimagém armopai;

Ngo do:nyi-po:lo, pédong-ésar

Muksub Mukkangké ao ommangé

Ngoíng ngokké gomugém,

Ngokké dírbém, lamté bélammé

Síglen supa:ye;

Ngok mimagém ngoíng mopa:ye

Ngok ngasodém ngoíng jé:pa:ye

Pu:mi assém ngoíng pé:tumpa:ye

Rago ko:namém ngoíng motumpa:ye;

Ngo abo tani:ké ao!!

Doksiri দকচিৰি, ডিচেম্বৰ, ২০২৪