সাধনাৰ ফুল
কন্দৰ্প কুমাৰ কলিতা
মোৰ হৃদয় বাগিচাৰ
আধাফুলা গোলাপ পাহিক
সুধিছিলো তোমাৰ বতৰা
ভগ্ন হৃদয়ৰ উচুপনি বোৰ শুনিচানে ?
ৰঙীন বসন পিন্ধি
কৰিছিলো অলেখ কল্পনা
কিমান আপোন বুলি
মনৰ দাপোনত আঁকিছিলো
গোপন ছবি
মোৰ সাধনাৰ ফুলপাহ
ৰাখিছিলো যতন কৰি
তথাপি ফুলপাহ মোৰ লেৰেলি
শুকাল
যদিও নাপালো ফুলপাহ
নাই মোৰ আক্ষেপ
মোৰ হৃদয় বাগিচাত
নাই তোমাৰ অস্তিত্ব
চকুৰ আঁতৰ হ'লে মনৰো আঁতৰ হয়
প্ৰাণত বিষৰ সোঁত বয়
চিৰ সেউজীয়া ফুলনিত
আজি সুৱাস নাই
আৰু কিয় জাগি নুঠে
মনোমোহা সৃষ্টিৰে
জীৱন শুৱনি কৰা
সোনোৱালী সেউজ বসন্ত
Doksiri দকচিৰি, মে, ২০২৫
No comments:
Post a Comment