এজাক পছোৱাৰ সতে
গজেন চন্দ্ৰ নৰহ
মাজুলী
ৰঙীন বুকুৰ উমে
আকোলিত সপোনক
নীৰৱে চুই যায় এজাক পছোৱাই।
গছৰ ডালৰ দলিচাত
মদাৰৰ মদৰুৱা সুবাহ
ছিন্ন ভিন্ন কৰি দিয়ে
মধুময় নিশাৰ সপোন।
ভগ্ন সপোনৰ বেদনা
চকুলোৰে ভৰে নয়ন,
অন্যফালে কলা ডাৱৰৰ আৰত
মধ্যম ৰাতি পূর্ণিমা জোনে
লাহেকৈ ভূমুকি মাৰি চায়।
পৃথিৱীত মানৱৰ অপূৰ্ণ প্ৰেমৰ
বোৱতি নদীৰ সোঁত।
মনৰ আশাবোৰ
সৰিয়হ মৰণাৰ পেলনীয়া জাবৰ।
নির্জনতাৰ মাজত বুৰগৈ থকা
সপোনে সাৰ পায়
অচিন পশু-পক্ষী মাতত।
বিলীন হয় ৰঙীন সপোন
এজাক পছোৱাৰ সতে।
Doksiri দকচিৰি, জুন, ২০২৫
No comments:
Post a Comment