আত্মকথা
নৱজ্যোতি বৰ্মন
মুকালমুৱা, নলবাৰী
ইমান নিৰৱতা
ইমান বিষন্নতা
তাৰ মাজতেই মই আছোঁ
আকাশৰ দৰে,
পথাৰৰ দৰে,
গছৰ দৰে,
নৈখনৰ দৰে,
যি আকাশৰ পৰা নামে
মেঘৰ টোপ টোপ বিষাদ।
যি পথাৰে নিৰৱে উচুপে
এবুকু বেদনাত
খৰাঙৰ তৃষ্ণাত
নাইবা
শুকান নৰাৰ কোলাহলত।
যি গছৰ প্ৰতিখিলা পাতত লিখা ৰয়
সোঁৱৰণীৰ অব্যক্ত পৃষ্ঠা।
যি নৈয়ে উটুৱাই নিয়ে
মৰা মাছ
নাইবা ভোকাতুৰ মাছুৱৈ।
Doksiri দকচিৰি, ফেব্ৰুৱাৰী, ২০২৬
No comments:
Post a Comment