লঠঙা ফাগুন
সদানন্দ পাটগিৰি
তোমাৰ আগমণৰ
বতৰা পায়
সৰাপাতে মাটি ছোলেই,
তোমাৰ লঠঙা উমে
ন পাতৰ- ন ফুলৰ
অংকুৰণৰ বীজ দিলেই।
আলি আঃয়ে লৃগআঙত
গুমৰাগৰ ৰজনজনাই
তুমি আহিলে,
শিমলু জোপা
ৰঙেৰে ৰাঙলী নাই
তুমি নাহিলে।
তোমাৰ কোলাতে
সাপোন ৰচে
ৰাধা-কৃষ্ণৰ দৌলযাত্ৰা,
তোমাৰ প্ৰেমত
পৰশ পৰি
জীৱন গঢ়ে জীৱনযাত্ৰা।
সেইবাবেই তোমাক
ক’ব খোজে-
বলিয়া ফাগুন
উন্মনা ফাগুন
ৰাঙলী ফাগুন
লঠঙা ফাগুন
আৰু বা কি দিব।।।
Doksiri দকচিৰি, মাৰ্চ, ২০২৬
No comments:
Post a Comment