সংগ্ৰামৰ শেষত
কুইন দেউৰী
মাজৰ চাপৰি, নাৰায়ণপুৰ
ছোৱালী জীৱনটো ইমান সহজ নহয়
যিমান আমি বাহিৰৰ পৰা ভাবোঁ,
বহুত কষ্ট আৰু যন্ত্ৰনাৰ মাজেৰেহে
এজনী ছোৱালীয়ে নিজৰ পছন্দৰ
কাম এটা কৰিবলৈ পায়।
মই ঠিক সেইজনী ছোৱালী,
যিয়ে সহ্য কৰিছে বিয়াৰ পিছত
পৰৰ ঘৰত পোৱা কটু কথা
আৰু পিতৃ-মাতৃৰ ঘৰত অনুভৱ কৰা একাকীত্ব।
দুখৰ সেই সাগৰখন যেন বহুত
গভীৰ আছিল।
কিন্তু সময় বাগৰিল,
আজি সেইজনী ছোৱালীয়েই
নিজৰ ভৰিত থিয় দিছে।
পিতৃ-মাতৃৰ মৰম আৰু আশীৰ্বাদেৰে
আজি তাই স্বাৱলম্বী
আজি তাই জয়ী।
Doksiri দকচিৰি, মাৰ্চ, ২০২৬
No comments:
Post a Comment