ASIN MUKPILOK UMMÉ
Ritey Ridom
Asin mukpilok ummé
Dorra dorra merepé idak
Omík osígné ngok asiné
Épíng asinsém géla
kapé adyen ayang mé:tomém
Nok ga:né yalu:n amigdo
Lu:ta silung yari:pé yirnamdém ka:la
apong tí:ma:pé
Yublangeimang aína…
Simadné ésaré sarbomnam
Nok dumíddok nampodém namna
Apong tínggel
Mé:polí:dak nok lédulo aína
Géryi gérsa:la gídodo nok alédok koksed-tadod
Rémago:pé nok nganamdé
Nok angké:lok ga:né asi aya:lo
Durbutsul ursulí:ngé
Asin mukpilok ummé
Dormi dormila dorné umído
Ngok momígnam ni:tom élang mé:tomé
Yumjin jirinna yumnen dung mé:dírém
Mukka:pé iné mikki
Odokké do:nyi:pé lí:né i:yyé
Dítakkopéi ika:bo lé:sil lé:namé
Édílosin pítírkuma:né le:né asinsok tarrém.
Doksiri দকচিৰি, নৱেম্বৰ, ২০২৬


No comments:
Post a Comment