Ba:bu - Doksiri

শেহতীয়া লেখা

Post Top Ad

Responsive Ads Here

Saturday, October 31, 2026

Ba:bu



 BA:BU


             Someswar Médog


Le:si le:sila asin

               arango:bok

Miksi títsunédé

                      se:kon

Longé lo:budo atíkosin 

doma:pé gabla 

Kiyab tagnedé

                 se:kon.


Sagé gíla gíla

Do:nyi-podong rasula ager gernédé se:kon

Gordung tarégodopé

Dogang jo:bonédé 

                  se:kon.


Bedné galug gégela

Éddín dígíndo mangol monédé se:kon

Alé-alag so:legédopé

Asilo si:yíla aríg inédé se:kon.


Aku:kura:né gonro ugon gégela

Ommangém gerusumonédé se:kon

Aíké ilíng-gílíngém mégela

Ommangém aidopé gígébonédé se:kon.


Data: dama:dokkébo

Alaglok sogabla gíyirnedé se:kon

Konjorog-

ko:yoeogné lambém

Méma:pé gíbonédé se:kon.


Lambé kamanggom

Palígla gibonédé se:kon

Oudné adiém barsa:bola

Do:mír sutpí:bonedé se:kon.


Ngasod adídp:sin

Kínggísula gígébonédé se:kon

Alag angngara:daggom

A:ng pítala gígébonedé se:kon.


Rokedémyang kínggíya:pé

Memapé dé:bonedé se:kon

Aíké I:yém

Bila moturkunédé se:kon.


Appíngémyang mirémya:nédé

Se:ko kindang

Sekké lamkulo ba:bu du:ji

Bímyang kaya:né kamang.


Doksiri দকচিৰি, নৱেম্বৰ, ২০২৬

No comments:

Post a Comment

Post Bottom Ad

Responsive Ads Here

Pages