Assém Omtumla:dopé Pésiko Pa:ya:mílo - Doksiri

শেহতীয়া লেখা

Post Top Ad

Responsive Ads Here

Sunday, November 1, 2026

Assém Omtumla:dopé Pésiko Pa:ya:mílo

 


ASSÉM OMTUMLA:DOPÉ PÉSIKO PA:YA:MÍLO 


Jiten Noro


(Nikari a:nélok pu:mu assé pu:yudnam réngamlo:pé a:ng kimínna)


Dubori: tangarlo jupé émna 

Ewali appuné oleddí adído

Bulu judung ngé:né ngéngkadnampé

Ansí:né pu:mu asilo. 

Mitomé gené bírduglok tatpo tadanné gompir madído

Bulu amig miksilo ollungém dubomna

Kénongé ugbomnam aki:yém dorasudopé

Matasudung ongo opumém.


Mírém tani:yé unam iki:yém aki: bi:dopé adíném bidído

Bulu sangili:né so:bo kídídém

Dorasudopé asilo durgo:la mago:dung uri: a:mko.


Nikari nom ajéng jéngge:mang!

Yadné igurboné, réngam ager gerné émsuné kídídémpé 

No:tu édílo:sin sé:komsin kémang.


Kekonélé a:ném pé:rítung,

Kekonsé pé:rímang.

Élé gené bírdugé a:dung.

Sido ongasuma:pé pédongé simad madung.

Kekonélé alamkané do:lungé.

Kekonsé norogé !


Assém omtumla:dopé pésiko pa:ya:mílo !

Simad madné a:né kídídém 

Lékam mílígla 

Takam mirígém yírpoko bila:ya:mílo !


(Attég: Nikari- Nogaon Borkola kéra:lo du:né Hariya a:nélok minjar amin)


Doksiri দকচিৰি, নৱেম্বৰ, ২০২৬


No comments:

Post a Comment

Post Bottom Ad

Responsive Ads Here

Pages